Հունիսի 11-ից Գայի պողոտայում իրականացվել է ճանապարհային երթևեկության կազմակերպման փոփոխություն, համաձայն որի՝ պողոտայի առաջին երթևեկելի գոտում գործում է հասարակական տրանսպորտի համար նախատեսված, գծանշումներով առանձնացված երթևեկելի գիծ:

Փոփոխությունը նպատակ ունի երթևեկության այլ մասնակիցների նկատմամբ առավելություն տալ Գայի պողոտայում հասարակական տրանսպորտին, որն օրվա պիկ ժամերին կերթևեկի առանց խցանումների:

Նշվում է, որ հասարակական տրանսպորտի համար առանձնացված գծերում կբացառվի նաև վազանցը, կբարձրանա պողոտան սպասարկող 26 երթուղիների միջին արագությունը, ինչն էլ կնպաստի տրանսպորտի հաճախականության գրաֆիկի պահպանմանը: Խախտումների դեպքում վարորդները կենթարկվեն վարչական պատասխանատվության: