ԲԴԽ նախագահ Կարեն Անդրեասյանը օրը սկսել է ինքն իրեն գովաբանելով: Նա, մասնավորապես, ֆեյսբուքյան իր էջում գրել է.

«1 լավ բան. Հայաստանում դատավոր չեն դառնում կաշառքով:
Համատարած նեգատիվի ֆոնին, որոշեցի ինքս իմ ու նաև ձեր համար մեր երկրում կատարված ու կատարվող գոնե մի լավ բան հիշեմ: Օրը գոնե մեկը: Դուք էլ փորձեք հիշել, որ լավ բաներ անելու ցանկություն մնա»:

Հիշեցնենք, դեռ ամիսներ առաջ Անդրեասյանը հայտարարել էր, որ  այսօր ՀՀ-ում կա 280 դատավոր, որոնցից 144-ը նշանակվել է 2018 թվականի հեղափոխությունից հետո: Դժվար է պատկերացնել մի իրավիճակ, որ Անդրեասյանը պնդեր հակառակը՝ հաշվի առնելով, որ ինքն էլ այս «թավշյա իշխանության պրոդուկտն է»: