Չինաստանի Ժողովրդա-ազատագրական բանակը Թայվանի մերձակայքում իրականացրել է ուղիղ կրակի հաջող վարժանքներ. հաղորդում է PLA-ի Արևելյան մարտական հրամանատարության գոտին իր պաշտոնական WeChat աքաունթում։
«Օգոստոսի 4-ին՝ ժամը 13:00-ի սահմաններում, Թայվանի նեղուցում իրականացրել են հեռահար ուղիղ կրակոցներ և ճշգրիտ հարվածներ Թայվանի արևելյան նեղուցի թիրախային հատվածներին, և ակնկալվող արդյունքներն արդարացվել են»,- ասվում է հրատարակության մեջ։
Զորավարժությունները սկսվել են տեղական ժամանակով ժամը 12:00-ին և կշարունակվեն մինչև կիրակի: Դրանք տեղի են ունենում Թայվանի շրջակայքի վեց շրջաններում: Զինվորականները նախօրոք հրապարակել են կոորդինատները՝ նավերի պատահական մուտքից կամ օդանավերի թռիչքից խուսափելու համար։
Լայնածավալ կրակոցներով զորավարժությունները պատասխանն են Թայբեյի որոշմանն ու կղզում ԱՄՆ Ներկայացուցիչների պալատի խոսնակ Նենսի Փելոսիի այցի: Ամերիկացի պաշտոնյան այստեղ էր ժամանել երեքշաբթի երեկոյան՝ իր ասիական շրջագայության շրջանակներում։ Հաջորդ օրը նա հանդիպել է տեղական վարչակազմի ղեկավար Ցայ Ինգ Վենի հետ, բանակցություններ վարել և թռել է Կորեա՝ մեկ օրից քիչ ժամանակ անցկացնելով Թայվանում։
Սա ԱՄՆ Ներկայացուցիչների պալատի խոսնակի առաջին այցն էր կղզի 1997 թվականից ի վեր։
Չինաստանը Թայվանն իր նահանգն է համարում և դեմ է Թայբեյի ցանկացած շփմանը այն երկրների պաշտոնյաների ու զինվորականների միջև, որոնց հետ Պեկինը դիվանագիտական հարաբերություններ ունի:
Ինչպես նշել է Չինաստանի արտգործնախարար Վան Ին՝ Չինաստանը պատրաստ է խաղաղ գոյակցել և զարգանալ այլ երկրների հետ միասին, սակայն թույլ չի տա, որ որևէ մեկը խաթարի կայունությունը։ Նա հավելել է, որ Չինաստանի վերամիավորումը Թայվանին պատմական անխուսափելիություն է։
Սպիտակ տունը վերահաստատել է իր հավատարմությունը «մեկ Չինաստանի» քաղաքականությանը, սակայն Փելոսիի այցը մեկնաբանել է՝ ասելով, որ նա ինքնուրույն է որոշումներ կայացնում։