MediaHub.am-ը  շարունակում է իր հետևորդներին ներկայացնել յուրաքանչյուր օրվա խորհուրդն ու նշանակությունն աշխարհում, որոշները հայտնի, որոշներն էլ՝ արտասովոր, բայց հետաքրքիր։

Նոյեմբերի 15-ը Փիլիսոփայության համաշխարհային օրն է:

Փիլիսոփայության համաշխարհային օրը նշվում է 2002-ից ի վեր՝ ՅՈՒՆԵՍԿՕ-ի կանոնադրության համաձայն:

Նման օր սահմանելու նպատակն է հասարակության մեջ ընթացող սոցիալ-մշակութային փոփոխությունների քննարկման համար ընդհանուր հարթակի ստեղծումն ու աշխարհի մտածողների հանրային բանավեճերի խթանումը:

Փիլիսոփայությունը ծնվում է մարդու՝ աշխարհով և շրջապատի երևույթներով հետաքրքրվելու բնական ձգտումից: Դարերի ընթացքում փիլիսոփայությունը տարբեր մշակույթներում հայեցակարգերի, գաղափարների, հիմնավորված վերլուծության և անկախ, ստեղծագործական մտածողության հիմք է հանդիսացել: