Վանաձորում երկու օր եմ մնացել, գնացել եմ իմ տուն, այցելել մտերիմներիս։ Այդ մասին այսօր իր գործով դատական նիստի ընթացքում ասաց Վանաձորի ընտրված քաղաքապետ Մամիկոն Ասլանյանը։
Նա նշեց, որ այս պահին աթոռի, պաշտոնի մասին չի մտածում։
«Ես մտածում եմ, որ մեր երկրում պիտի կայանան այն իրավական ինստիտուտները, որոնք որոշում են մարդկային ճակատագրեր։ Մարդիկ կան, որ կարող են հայտնվել այս հորձանուտում ու կործանվել։ Ես էի, պինդ էի, դիմացա։ Բայց իրավապահ համակարգը պիտի զերծ մնա ճնշումներից»,- նշեց նա։
Դիտարկմանը, որ կարող է նորից իր խափանման միջոցը փոխելու միջնորդություն ներկայացվել, Ասլանյանն արձագանքեց՝ չի զարմանա, որ այդպես լինի։
Մանրամասները՝ տեսանյութում։