Ավստրալիայի օլիմպիական BMX թիմի ֆուրգոնը թալանվել է Օլիմպիական խաղերի ճանապարհին, հայտնել է Տոկիոյի խաղերի չեմպիոն և ազգային հավաքականի անդամ Լոգան Մարտինը։
Միջադեպը տեղի է ունեցել Բրյուսելում։ Հարձակվողները կոտրել են ֆուրգոնի ապակին, բացել դուռը և հանել իրերը։
«Գիշերը կոտրեցին մեր ֆուրգոնը: Բարեբախտաբար, մեր իրերի մեծ մասը մեր սենյակում էր, և մենք կարողացանք շատ բան վերականգնել: Կորցրել ենք դրամապանակ, ուսապարկ և մի քանի այլ իրեր, բայց ընդհանուր առմամբ դա այնքան էլ վատ չէր: Ամոթ է, երբ մարդիկ նման բաներ անելու անհրաժեշտություն են զգում»,- գրել է Մարտինը Instagram-ում։
Փարիզի Օլիմպիական խաղերը կանցկացվեն հուլիսի 26-ից օգոստոսի 11-ը։