Գերմանիայի արտաքին գործերի նախարար Անալենա Բերբոքը 17 տարվա ամուսնությունից հետո բաժանվում է ամուսնուց։
Ամուսինը PR մենեջեր Դանիել Հոլեֆլայշն է։
Գրել է «Bild»-ը։
Ծանոթացել են մոտ 20 տարի առաջ, երբ աշխատել են Կանաչների կուսակցության համար: Նրանք ունեն երկու դուստր՝ 9 և 13 տարեկան։
«Հնարավոր շահարկումներից խուսափելու համար․ մենք նոր զուգընկերներ չունենք։ Մեզ համար ամենակարևորը մնում է ապահովել, որ մեր երկու դուստրերը կարողանան մեծանալ խաղաղության ու սիրո մեջ»,- համատեղ հայտարարությամբ ասել են Բերբոքը և Հոլեֆլայշը՝ հավելելով, որ կշարունակեն ապրել Պոտսդամում իրենց ընդհանուր տանը:
Քաղաքական գործիչն ու նրա ամուսինը չեն նշել ամուսնալուծության պատճառները՝ խնդրելով հարգել իրենց անձնական կյանքը։