Ժամկետային զինծառայող Պալյան Պողոսյանի առողջական վիճակը շարունակում է մնալ ծայրահեղ ծանր։ Այս մասին MediaHub.am-ին փոխանցեց ՊՆ մամուլի խոսնակ Արամ Թորոսյանը՝ խոսելով Այրվածքաբանության ազգային կենտրոն այրվածքներով տեղափոխված ժամկետային զինծառայողի առողջական վիճակի մասին։

Հիշեցնենք, որ ՊՆ-ն հայտարարություն էր տարածել՝ նշելով, որ հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել N զորամասի պարտադիր ժամկետային զինծառայող, շարքային Պալյան Ջիվանի Պողոսյանը: Զինծառայողը նույն օրը ռեանիմոբիլով տեղափոխվել է Այրվածքաբանության ազգային կենտրոն։

Արամ Թորոսյանը ներկայացրեց, որ զինծառայողն այրվածքներն ստացել է վառարանի կայծից առաջացած հրդեհը մարելու հետևանքով:

Լիաննա Թորոսյան