Հյուսիսային Կորեայի հաքերները 2017 թվականից ի վեր գողացել են մոտ 3 միլիարդ դոլար արժողությամբ կրիպտոարժույթներ,
Այս մասին նշված է «Microsoft» ընկերության 2024 թվականի կիբերանվտանգության զեկույցում, որը հրապարակվել է երեքշաբթի:
Գողացված գումարն օգտագործվել է Փհենյանի միջուկային ծրագրի ֆինանսավորման համար։
«Microsoft»-ն ընդգծել է, որ այդ միջոցները ծածկում են միջուկային զենք ստեղծելու համար Հյուսիսային Կորեայի ծախսերի կեսից ավելին։ Ավելին, միայն 2023 թվականին գողացվել է 600 միլիոնից 1 միլիարդ դոլար։
Անցյալ տարվանից ընկերությունը հայտնաբերել է հյուսիսկորեական մի քանի նոր խմբեր։ Թվերի աճը, ըստ վերլուծաբանների, կարող է ցույց տալ, որ Կիմ Չեն Ընի վարչակարգն ընդլայնում է իր ներգրավվածությունը շորթման հետ կապված հաքերային գործողություններում:
Բացի Հյուսիսային Կորեայից, հաքերային միջավայրում ակտիվ են նաև Ռուսաստանի, Չինաստանի և Իրանի խմբերը։