Թբիլիսիում զանգվածային բողոքի ակցիաներ են տեղի ունեցել

Մի քանի հազար մարդ երթով անցել է Թբիլիսիի կենտրոնական պողոտաներով, որից հետո հավաքվել է Եվրոպայի հրապարակում։ Այդ մասին հաղորդում է «ՌԻԱ Նովոստի»-ի թղթակիցը։

Երթը մեկնարկել է մայրաքաղաքի տարբեր վայրերից և նախատեսված էր Եվրոպայի օրվա համար։ Եվրոպայի հրապարակում ընթացող հանդիպումն անցնում է խաղաղ մթնոլորտում։ Պարեկային ոստիկանությունը հերթապահություն է իրականացնում հարակից տարածքում։ Ցուցարարները կրկին պահանջում են նոր խորհրդարանական ընտրություններ և ազատ արձակել բողոքի ակցիաների ընթացքում ձերբակալված քաղաքացիներին։

Վրաստանում շարունակվում են բողոքի ցույցերը՝ պահանջելով նոր խորհրդարանական ընտրություններ։ Բողոքի ցույցերը սկսվեցին այն բանից հետո, երբ վարչապետ Իրակլի Կոբախիձեն 2024 թվականի նոյեմբերի 28-ին հայտարարեց, որ մինչև 2028 թվականը կդադարեցնի երկրի՝ Եվրամիությանը անդամակցության վերաբերյալ բանակցություններ սկսելու հարցի քննարկումը։ Բողոքի ցույցերի ընթացքում իրավապահ մարմինները ձերբակալել են մի քանի հարյուր մարդու։ 

Տեսանյութը՝ այստեղ