Սոցցանցերում տարածվել է մի տեսանյութ, որում երևում է, թե ինչպես է առյուծը կծում տղամարդու ձեռքը, ով փորձում էր նրան շոյել վանդակի միջով, գրում է NDTV-ն։ Տուժողը հասցրել է արագ արձագանքել և միայն թեթև վնասվածքներ է ստացել։
Կադրերում երևում է, թե ինչպես է կենդանաբանական այգու վանդակում նստած առյուծը սկզբում ոչ մի կերպ չի արձագանքում այցելուներին։ Սակայն երբ տղամարդը ձեռքը երկարացնում է՝ գիշատչին շոյելու համար, գազանը հանկարծ ատամներով բռնում է նրա ձեռիքց։ Կենդանու զոհը բղավում է ու մի կողմ նետվում։ Սա խուճապ է առաջացնում մյուս մարդկանց մոտ, ովքեր սկսում են տարբեր ուղղություններով փախչել։
Համացանցի օգտատերերը քննադատել են տղամարդուն անզգուշության համար և հիշեցրել, թե ինչու չի կարելի խաղալ առյուծի հետ։
«Դա տնային կատու չէ, հիմար»,- գրել են մարդիկ: