Ամերիկայի Միացյալ Նահանգները նախատեսում է առանձին երկկողմ հանդիպումներ անցկացնել Ռուսաստանի և Ուկրաինայի հետ, ապա համատեղ բանակցություններ վարել երկու կողմերի հետ։ Այս մասին հաղորդել է «NBC» հեռուստաալիքը։
Հանդիպումը կսկսվի Ռուսաստանի, այնուհետև Ուկրաինայի հետ, որից հետո կքննարկվեն համատեղ հարցեր, հայտնել են ԱՄՆ երկու պաշտոնյաներ։
ԱՄՆ-ի և Ռուսաստանի բարձրաստիճան պաշտոնյաները կհանդիպեն այս շաբաթ Սաուդյան Արաբիայում: «Կոմերսանտ» թերթի փոխանցմամբ՝ փետրվարի 18-ին Էր Ռիադում պետք է տեղի ունենան Ուկրաինայի հարցով բանակցություններ ռուսական պատվիրակության մասնակցությամբ։
Փետրվարի 16-ին ԱՄՆ նախագահ Դոնալդ Թրամփը հայտարարել էր, որ կարող է «շատ շուտով» Սաուդյան Արաբիայում հանդիպել իր ռուս գործընկեր Վլադիմիր Պուտինի հետ։