Զապորոժիեի ատոմակայանի հինգերորդ էներգաբլոկը կրկին միացվել է ցանցին։ Այս մասին սեպտեմբերի 2-ին հայտնել է Էներգոդարի ռազմաքաղաքացիական վարչակազմի մամուլի ծառայությունը։
Սեպտեմբերի 1-ին Զապորոժիեի շրջանի պետական վարչակազմի ղեկավար Եվգենի Բալիցկին հայտարարել է, որ հինգերորդ էներգաբլոկի աշխատանքը դադարեցվել է էլեկտրահաղորդման գծերի վնասման պատճառով։ Վեցերորդը մնացել է շահագործման, բայց գործում է 60 տոկոս հզորությամբ։
Ուկրաինացի զինվորականներն ակտիվացրել են ռազմական գործողությունները կայանի տարածքում Ատոմային էներգիայի միջազգային գործակալության (ՄԱԳԱՏԷ) փորձագետների կողմից օբյեկտ ծրագրված այցի օրը:
Ուկրաինայում և Դոնբասում Ռուսաստանի Դաշնության հատուկ գործողության շրջանակում Զապորոժիեի ԱԷԿ-ը վերցվել է ռուսական ուժերի պաշտպանության տակ։
Ինչպես օգոստոսի 11-ին նշել էր ՄԱԿ-ում Ռուսաստանի մշտական ներկայացուցիչ Վասիլի Նեբենզյան, օբյեկտից ռուս զինվորականների դուրսբերումը կարող է աղետի վերածվել, քանի որ Կիևը կարող է օգտագործել կայանը հրեշավոր սադրանքների համար։