Մոլդովայի պաշտպանության նախարարության պետական քարտուղար Վալերի Միժան հայտարարել է, որ Մոլդովան կապի ալիք ունի, որով ՌԴ ԶՈՒ ներկայացուցիչների հետ փոխանակվում է տեղեկատվությամբ՝ հնարավոր սադրանքներից խուսափելու նպատակով, հայտնում է ՏԱՍՍ-ը՝ հղում անելով Newsmaker հարթակին։
«Մենք կապի բաց ալիք ունենք, որով շփվում ենք ՌԴ ԶՈՒ ներկայացուցիչների հետ։ Քննարկումներ են տարվում՝ խուսափելու համար սադրանքներից ու այնպիսի իրավիճակներից, որոնք կարող են ոչ ճիշտ մեկնաբանվել։ Մենք ցանկանում ենք խուսափել անվտանգության երկակի մեկնաբանումից, պարադոքսալ իրավիճակներից, երբ մի պետության կողմից անվտանգության ապահովմանն ուղղված միջոցառումները մյուս պետության կողմից կարող են ընկալվել որպես սպառնալիք՝ իր անվտանգությանը»,- ասել է Մոլդովայի ՊՆ պաշտոնյան։