Սույն թվականի մարտի 25-ին և 26-ին զանգվածային լրատվամիջոցներով տեղեկություններ են հրապարակվել arcakh24.info լրատվական կայքի գլխավոր խմբագիր Մարատ Եգանյանին և կայքի թղթակից Անդրանիկ Հակոբյանին առևանգելու մասին։ Այս մասին հաղորդագրություն է տարածել ԱՀ դատախազությունը։

«ԱՀ գլխավոր դատախազության հատուկ քննչական բաժնում հիշյալ հրապարակումը ընդունվել է որպես քրեական գործ հարուցելու առիթ, որի հիման վրա նախաձեռնվել է դեպքի հանգամանքների՝ քրեադատավարական օրենսդրությամբ սահմանված ընթացակարգով քննարկում»,-ասված է հաղորդագրության մեջ: