ՔՊ պատգամավոր Ալխաս Ղազարյանը ԱԺ-ում Կառավարության հետ հարցուպատասխանի ժամանակ ՀՀ առողջապահության նախարար Անահիտ Ավանեսյանից հետաքրքրվեց Գեղարքունիքի մարզային բուժհաստատությունների մասին։
«Մարտունու բժշկական կենտրոնի նորաբաց մասնաշենքի բացմանը զուգահեռ, նոր ծառայությունների ու բուժանձնակազմի համալրում սպասվո՞ւմ է, թե ոչ, և ավելի կոնկրետ նշեք՝ Գեղարքունիքի մարզում ո՞ր կենտրոններն են կառուցվելու»,- հարցրեց նա։
Ի պատասխան առողջապահության նախարարը նշեց։ «Այո, մենք բացեցինք ժամանակակից նորակառույց շենք, նոր հագեցմամբ թե ՛ սարքավորումների, թե՛ կահույքի և թե՛ ամբողջ անհրաժեշտ գույքով։ Ոչ միայն պահպանել ենք ծառայությունները և դրանք նորացրել, այլ հավելյալ նոր ծառայություններ են հասանելի դառնալու։ Նոր ծառայություններից է լինելու համակարգչային շերտագրման ծառայությունը, աչքի ամբողջական հետազոտման լրիվ նոր ծառայությունը, վիրահատական մի շարք միջամտություններ»,- թվարկեց նախարարը։
Մանրամասները՝ տեսանյութում