Երեկ պատիվ ունեցա հյուրընկալվելու Կարեն Դեմիրճյանի թանգարանում. Թաթոյան
Երեկ պատիվ ունեցա հյուրընկալվելու Կարեն Դեմիրճյանի թանգարանում։ Թանգարանի տնօրեն Վահագն Մամյանի ուղեկցությամբ շրջեցինք հիմնական ցուցասրահում և ծանոթացանք թանգարանում պահվող հազարավոր ցուցանմուշների: Այս մասին գրել է ՀՀ նախկին ՄԻՊ Արման Թաթյանը։
«Կարեն Դեմիրճյանի կառավարման տարիներին, նրա անխոնջ ջանքերով և համառությամբ, ստեղծվել են Հայաստանի համար կենսական կաևորության ենթակառուցվածքներ, այդ թվում՝ Երևանի մետրոպոլիտենը, Երևանի «Զվարթնոց», Գյումրիի «Շիրակ» օդանավակայանները, Արփա-Սևան ջրատարը և այլն։ Նա մեծ ներդրում է ունեցել Հայաստանի մշակութային զարգացման գործում։
Հայրենիքին մատուցած բացառիկ ծառայությունների համար Կարեն Դեմիրճյանին հետմահու շնորհվել է «Հայաստանի ազգային հերոս» բարձրագույն կոչում։
Անչափ կարևոր է, որ մենք ապրենք պետական այնպիսի գործիչների օրինակներով, որոնց գործունեությունն արժեքավոր է և կարևոր սերունդների դաստիարակության համար։ Կարեն Դեմիրճյանն այդպիսի փայլուն օրինակ է»։
