Այսօր՝ օգոստոսի 28-ին, խոշոր ավտովթար է տեղի ունեցել Կոտայքի մարզում:

Ժամը 15:10-ի սահմաններում Երևան-Սևան ավտոճանապարհի 33 կմ հատվածում բախվել են Կոտայքի մարզի բնակիչ 24-ամյա Գևորգ Խ.-ի վարած Opel մակնիշի ավտոմեքենան և Գեղարքունիքի մարզի բնակիչ 53-ամյա Սարգիս Խ.-ի վարած Зил մակնիշի բեռնատարը:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդը տարբեր աստիճանի մարմնական վնասվածքներով տեղափոխվել է «Չարենցավան» բժշկական կենտրոն:

Օպերատիվորն դեպքի վայր են ժամանել ՀՀ Ներքին գործերի նախարարության Փրկարար ծառայության Չարենցավանի թիվ 44 հրշեջ-փրկարարական ջոկատից 1 մարտական հաշվարկ:

Հրշեջ-փրկարարները հոսանքազրկել են Opel-ը, ապա վարորդին դուրս բերել ավտոմեքենայից և մոտեցրել շտապօգնության ավտոմեքենային, ով տեղափոխվել է «Չարենցավան» բժշկական կենրտոն:

Վթարի փաստով Չարենցավանի քննչական բաժնում նախաձեռնվել է վարույթ։

Քննիչի հանձնարարականով ավտոմեքենաները տեղափոխվել են ոստիկանության Չարենցավանի բաժնի պահպանվող հատուկ տարածք: