Մարդիկ կան, որ երեսուն տարի պայքարել են, հանրապետություն ստեղծել, ու դա մի րոպեում լուծարվել է։
Այսօր արցախցիներից մեկը, դիմելով Արցախի նախագահ Սամվել Շահրամանյանին, նման դիտարկում արեց, ապա նաև հարցը հստակեցրեց՝ զենքի սպառնալիքո՞վ է նման փաստաթուղթ ստորագրել։
Ի պատասխան, Սամվել Շահրամանյանն ասաց, որ Արցախի Հանրապետությունը լուծարված չէ։
«Այստեղ մարդ կա՞, որ այդ փաստաթուղթը կարդացել է։ Ուզում եմ ասել՝ ծանո՞թ եք այդ փաստաթղթին՝ սկզբից մինչև վերջ։ Այդ փաստաթղթի հետ կապված ահագին հարցեր կան, որը ես ձեր մեջ չեմ կարող ասել։ Բայց ձեզ ասում եմ՝ դրական ու բացասական կողմերը գիտենք։ Ոչ մի փաստաթղթով չի կարող լուծարվել ժողովրդի կողմից ստեղծված հանրապետությունը։ Սրա պատասխանը տալու եմ Հ1-ի տաղավարում, որին նախապատրաստվելու մասով ցուցում արդեն տվել եմ։ Առաջիկայում այս բոլոր հարցերին անդրադառնալու եմ, նաև անդրադառնալու եմ հրադադարի փաստաթղթին։ Եվ ոչ ոքի մոտ թող կասկած չառաջանա, որ եթե մենք հնարավորություն ունենայինք հաղթելու, ռազմական գործողության կգնայինք։ Մենք մեր տղաներին ենք խնայել, մեր քաղաքացիական բնակչության կյանքն ենք փրկել»,- նշեց նա։
Մանրամասները՝ տեսանյութում։