Այսօր տեղի է ունենում «Սահմանադրական կարգը տապալելու» գործով դատական նիստ, որում ներգրավված է ՀՀ երկրորդ նախագահ Ռոբերտ Քոչարյանը։
Նախագահի գրասենյակի ղեկավար Բագրատ Միկոյանը MediaHub-ին հայտնել է, թե ինչու Քոչարյանը չի մասնակցում դատական նիստին։
«Այսօր տեղի ունեցող դատական նիստի վերաբերյալ նախագահ Քոչարյանը ծանուցում չի ստացել»,- ասաց Բագրատ Միկոյանը:
«Ներկայում նախագահը մասնավոր այցով գտնվում է արտերկրում, ուր մեկնել է սեպտեմբերի 18-ին ՝ մինչև նիստի նշանակումը: Մոտ օրերս նախագահը վերադառնալու է և պատշաճ ծանուցման դեպքում կներկայանա դատարան»,- հավելել է գրասենյակի ղեկավարը։
Սսահմանադրական կարգի ենթադրյալ տապալման գործը կարճվել էր հակասահմանադրական լինելու հիմքով, սակայն վճռաբեկ դատարանը սեպտեմբերի 12-ին բեկանել է գործն ու նոր քննություն նշանակել այլ հոդվածներով։