Եվրոպական հեռարձակողների միությունը ներկայացրել է Մեծ Բրիտանիայի այն քաղաքները, որոնք հավակնում են հյուրընկալել «Եվրատեսիլ 2023» երգի մրցույթը: Այս մասին հաղորդվում է կազմակերպության պաշտոնական կայքում։
Մրցույթն ընդունելու պատրաստակամություն են հայտնել 16 քաղաքներ։ Դրանց թվում են Աբերդինը, Բելֆաստը, Բրայթոնը, Բիրմինգհեմը, Բրիստոլը, Քարդիֆը, Էդինբուրգը, Գլազգոն, Մանչեսթերը, Լիդսը, Լիվերպուլը, Լոնդոնը, Նյուքասլը, Նոթինգհեմը, Շեֆիլդը և Վուլվերհեմփթոնը։
Եվրատեսիլը Մեծ Բրիտանիայում կայացել է ութ անգամ։ Դրանցից չորս անգամ մրցույթը հյուրընկալվել է Լոնդոնում։ Միջոցառումն անցկացվել է նաև Էդինբուրգում, Բրայթոնում, Հարոգեյթում և Բիրմինգհեմում։
Թեկնածու քաղաքները պետք է համապատասխանեն որոշակի պահանջների: Այսպիսով, անցյալ տարի հիմնական պայմանը եղել է այնպիսի տարածքի ապահովումը, որը կարող է տեղավորել առնվազն 10 հազար հանդիսատես և գտնվում է օդանավակայանի և հյուրանոցի մոտ հյուրերի համար։
Թե կոնկրետ որտեղ կկայանա մրցույթը, կորոշվի առաջիկա ամիսներին։
Ավելի վաղ հաղորդվում էր, որ Ուկրաինան անվտանգության նկատառումներից ելնելով չի ընդունելու հաջորդ միջոցառումը, այլ ինքնաբերաբար կմտնի մրցույթի մեծ եզրափակիչ։