Լրագրողների հետ ճեպազրույցում Մանասյանն ասաց, որ աշխատանքները մի քանի ուղղությամբ են իրականացնում։
Առաջին ուղղությունը Արցախում տեղի ունեցող խնդիրների վերաբերյալ ամբողջական արձանագրումն է։ «Սրա ամբողջ նպատակն այն է, որ եթե նույնիսկ կարիք չկա ինֆորմացիա փոխանցելու, ամեն դեպքում համակարգված վերջին ինֆորմացիան հնարավոր լինի նաև միջազգային գործընկներին փոխանցել»,- ասաց նա։
Մանասյանը տեղեկացրեց, որ այդտեղ են, որպեսզի Արցախից բռնի տեղահանված անձանց իրավունքների պաշտպանության վիճակը ոչ միայն դիտարկեն, այլ նաև պաշտպանության գործընթացը փաստացի ստանձնեն.
«Այստեղ ոչ միայն մեր միջազգային գործընկերների հետ ենք աշխատում, նաև մեր պետական իրավասու գործընկերների հետ։ Պետական իրավասու մարմինների հետ փորձում ենք հասկանալ, թե իրավունքների պաշտպանության վիճակի հետ կապված ինչ խնդիրներ կան, նրանց անմիջապես ներկայացնում ենք և փորձում ենք աջակցել այդ խնդիրների լուծմանը»,- հայտնեց Մանասյանը։
Մանրամասները՝ տեսանյութում