Գուրգեն Արսենյանը հոգով և տրամադրվածությամբ շատ ավելի մոտ է Փաշինյանին, քան հեռացող դեսպանը: Այս մասին ռուսական NEWS.ru-ի հետ զրույցում ասել է Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։
Նրա կարծիքով՝ Վաղարշակ Հարությունյանին (Ռուսաստանի Դաշնությունում նախկին դեսպան - խմբ.) վարչապետի թիմ են բերել բացառապես Ռուսաստանի բարեկամի համբավով, որպեսզի «քողարկեն» Երեւանի արտաքին քաղաքականության աստիճանական փոփոխությունը:
«Այժմ ես որևէ պատճառ չեմ տեսնում Ռուսաստանի ղեկավարության և Փաշինյանի դաշնակից նոր դեսպանի միջև որևէ վստահության ի հայտ գալու համար։ Ֆորմալ քաղաքավարություն, իհարկե, կպահպանվի, բայց ոչ ավելին»,- համոզմունք հայտնեց Զատուլինը։
Հիշեցնենք, որ ՀՀ նախագահի հրամանագրով ՀՀ Ազգային ժողովի նախկին պատգամավոր Գուրգեն Արսենյանը վերջերս նշանակվել է Ռուսաստանի Դաշնությունում Հայաստանի Հանրապետության դեսպան։