ՊՆ՝ վթարի ենթարկված սանիտարական ավտոմեքենայի անձնակազմի հոսպիտալացման մասին լուրերը չեն համապատասխանում իրականությանը: Այս մասին հատնում են ՀՀ պաշտպանության նախարարությունից։
Ըստ ՊՆ-ի՝ ավտոմեքենայի մեջ եղած բուժակները և վարորդն աննշան վնասվածքներ են ստացել և նույնիսկ հոսպիտալացման անհրաժեշտություն չի եղել։:
«Ստացիոնար բուժման որևէ մեկը չի ընդունվել, ստացել են ամբուլատոր բուժօգնություն»,- նշում են ՊՆ-ից։
Ավելի վաղ՝ Shamshyan.com-ի հաղորդմամբ, Լոռու մարզի բնակիչ, 27-ամյա Հայկ Ս․-ն իր վարած «ՏHААNXI» բեռնատարով Երևան-Մեղրի ավտոճանապարհի 181 կմ-ին բախվել է առջևից համընթաց երթևեկող Արարատի մարզի բնակիչ, 38-ամյա Ազատ Հ․-ի վարած GAZ-22 177 սանիտարական ավտոմեքենային։
Վթարի հետևանքով Հայկ Ս․-ն և GAZ-22 177-ի ուղևորներ, Երևանի բնակիչներ 39-ամյա Էդգար Ծ․-ն և 37-ամյա Գոռ Կ․-ն մարմնական վնասվածքներով տեղափոխվել են Սիսիանի «Աղիտուի» զինվորական հոսպիտալ։
Օպերատիվորեն դեպքի վայր են ժամանել ՀՀ Ներքին գործերի նախարարության փրկարար ծառայության Սիասիանի հրշեջ-փրկարարական ջոկատից 1 մարտական հաշվարկ։
Բախման հետևանքով երկու ավտոմեքենաները, բախվել են գազատար խողողովակներին, կոտրել դրանք և կողաշրջված վիճակում հայտնվել ձորում։
Աղբյուրի տեղեկություններով՝ վարորդներից Ազատ Հ․-ն ծառայում է ՀՀ ՊՆ համար N զորամասում՝ որպես վարորդ, վիրավորներից Էդգար Ծ.-ն և Գոռ Կ.-ն ծառայում են ՀՀ ՊՆ համար N զորամասում՝ որպես բուժակ։