Հենց այս պահին մուտք է արվում Երևանի ավագանու ընտրությունների մասնակցության առաջին հայտը։ Առաջին հայտատուն «Հայաստանի եվրոպական կուսակցությունն» է։ Այդ մասին այսօր հրավիրված ասուլիսում ասաց ԿԸՀ նախագահ Վահագն Հովակիմյանը։
Այսինքն՝ առաջինը Տիգրան Խզմալյանն է փաստաթղթավորված ներկայացրել Երևանի քաղաքապետ դառնալու հայտը։
Նշենք, որ հայտերը ԿԸՀ-ն ընդունելու է մինչև օգոստոսի 13-ը։
«Սովորաբար նախավերջին ու վերջին օրերին են քաղաքական ուժերը ներկայացնում իրենց դիմումները։ Մինչև վերջին օրը փաստաթղթեր են կազմում ու ճշգրտումներ անում։ Սպասում են, որ ամբողջական փաթեթը լինի»,- նշեց Հովակիմյանը։