Մի խումբ երիտասարդներ Երևանի Ազատության հրապարակում երեկ հայրենասիրական երգեր են երգել, սակայն ոստիկանության ծառայողները հորդորել են դադարեցնել, թույլ չեն տվել, որ շարունակեն երգել, ավելին՝ բերման են ենթարկել նրանց։ Այս մասին տեղեկացրել է ֆեյսբուքյան օգտատեր Տաթև Հովհաննիսյանը։
MediaHub.am-ի հետ զրույցում Ոստիկանությունից նշեցին, որ 3 երիտասարդի են բերման ենթարկել։
«Բերման են ենթարկել ՎԻՎ օրենսգրքի 172,3 հոդվածով նախատեսված արարքի համար»,-ասացին ոստիկանությունից։
Ըստ այդ հոդվածի հատկանիշների, նրանք բերման են ենթարկվել ոստիկանության ծառայողներին վիրավորելու համար։
Ոստիկանությունից հետաքրքրվեցինք, իսկ ինչո՞ւ են ծառայողներն արգելել նրանց երգել․
«Ձեզ միայն կարող ենք ասել, թե ինչու են բերման ենթարկվել, այլ մանրամսներ՝ ոչ»,-նշեցին ոստիկանությունից։
Անի Գևորգյան