Ամեն տեղ, ամեն տեղ կա կոռուպցիոն ռիսկեր, և մենք բոլորս վախենում ենք դրանից։ Այս մասին այսօր հրավիրված ասուլիսի ժամանակ ասաց Նիկոլ Փաշինյանը՝ պատասխանելով լրագրողի այն դիտարկմանը, թե «Ջերմուկ գրուպ» ընկերության սեփականատիրոջը պատկանող թաղամասում բնակարաններ են ձեռք բերել Վայոց ձորի նախկին մարզպետ, ՔՊ-ական պատգամավոր Տրդատ Սարգսյանը, ԱՄՆ-ում ՀՀ դեսպան Լիլիթ Մակունցը, Կառավարության աշխատակազմի ղեկավար Արայիկ Հարությունյանը։
Լրագրողը համեմատեց նախկինում Փաշինյանի հայտարարությունները և ճշտեց՝ արդյո՞ք վերջինս այստեղ կոռուպցիոն ռիսկեր չի տեսնում։
«Բնության մեջ կոռուպցիոն ռիսկեր գոյություն ունեն ամեն քայլափոխի, կոռուպցիոն ռիսկեր նույնիսկ այս պաստառի մեջ կարող է լինել։ Հիմա դուք անուններ եք տալիս, ես էլ ասում եմ՝ ևս 25 հազար մարդ կա, այդ փողը որտեղի՞ց։ 3 մլրդ կառավարությունն է տվել, դուք հասկանում եք՝ ինչ թիվ է, որ կառավարությունն է տվել այդ 25 հազար մարդու հիպոտեկային վարկի մի ինչ-որ հսկայական չափաբաժինը։ Որտե՞ղ ձեռք բերենք բնակարան, ասեք այնտեղից էլ վերցնենք։ Հիմա ես էլ կարող եմ բնակարան ձեռք բերեմ, ասեք՝ որտեղից վերցնեմ, որտեղ ա էդ նեկոռուպցիոն շենքը, որտեղից պետք է բնակարան ձեռք բերեմ, ասեք տեղը, որովհետև չգիտեմ, վաղը մյուս օրը կկարողանա՞նք։ Հույսս դրել եմ Աշոտի վրա, ինքն էլ չի կարողանում մեր տունը վաճառի»,-ասաց նա։
Մանրամասները՝ տեսանյութում: