Թուրքիայում կանցկացվի նախագահական ընտրությունների երկրորդ փուլ. այդ մասին պաշտոնապես հայտարարել է ԿԸՀ-ը նախագահը:

- Ռեջեփ Թայիփ Էրդողանը հավաքել է 49,51%,

- Քեմալ Քըլըչդարօղլուն՝ 44,88% ձայն,

- Սինան Օղանը՝ 5.28%։  

Նշենք, որ Թուրքիայի նախագահական ընտրություններում երրորդ տեղը զբաղեցրած Սինան Օղանը խոստացել էր ընտրությունների երկրորդ փուլի դեպքում աջակցել Քեմալ Քըլըչդարօղլուին. գրում է Interfax-ը։ 

Արտերկրում մասնակցության ցուցանիշը կազմել է 52,69 տոկոս՝ 35 հազար 87 ձայն։ Ըստ Եների՝ եթե ընդունեն, որ արտերկրում քվեարկած բոլոր 35,874 քվեները տրվել են Էրդողանին, ապա Էրդողանի ստացած ձայների թիվը կկազմի 49.54 տոկոս, իսկ եթե բոլոր 35,874 քվեները տրվել են Քըլըչդարօղլուին, ապա նրա ձայների թիվը կկազմի 44.85 տոկոս։ Ստացվում է՝ թեկնածուներից ոչ մեկ չի հաղթահարելու 50 տոկոսի շեմը։

Ամփոփվել է նաև խորհրդարանական ընտրությունների արդյունքները: Ռեջեփ Թայիփ Էրդողանին սատարող «Ժողովրդական դաշինքը» խորհրդարանում ներկայացված կլինի ավելի քան 300 պատգամավորով. գրում է TRT Haber-ը: Այն ստացել է ձայների 49,31%-ը և կարող է հավակնել խորհրդարանի 600 տեղերից 321-ին։ 6 կուսակցություններից բաղկացած ընդդիմադիր դաշինքը, որը գլխավորում է Քըլըչդարօղլու կուսակցությունը, հավաքել է 35,18% և խորհրդարանում կստանա 213 մանդատ: 

Թուրքիայի խորհրդարանում Ժողովրդական դաշինքը ներկայացնելու քաղաքական գործիչների թվում են արտգործնախարար Մևլութ Չավուշօղլուն և ազգային պաշտպանության նախարար Հուլուսի Աքարը, ինչպես նաև փոխնախագահ Ֆուաթ Օգթայը։  

Հիշեցնենք, որ ընտրությունների երկրորդ փուլը նշանակված է մայիսի 28-ին։  

Զարգացումներին ավելի արագ հետևելու համար՝ MediaHubWorld