ՀՀ բանակում, զինված ուժերում հսկայական բարեփոխումներ են տեղի ունենում, այդ թվում միջազգային փորձը ուսումնասիրելով։ Այդ մասին այսօր քաղաքացիների հարցերին պատասխանելիս ասաց Նիկոլ Փաշինյանը։
Բայց և այնպես, նա նշեց, որ աշխատավարձերը չեն բարձրացնում, քանի որ ուզում են համոզված լինել՝ զինվորականը կարո՞ղ է կրել իր ուսերին դրած բեռը, որ աշխատավարձը բարձրացվի։
«Պատկերացրեք, միլիարդներ ծախսենք մարդկանց վրա, որոնք չգիտեն՝ ինչ է զինվորական ծառայությունը։ Սրանով մենք ընդգծում ենք այն զինվորականների արժեքը, որոնք համապատասխանում են զինվորականի կոչմանը»,- նշեց Նիկոլ Փաշինյանը։
Ինչ վերաբերում է պետական համակարգը բերափոխելուն, ապա նա ասաց, որ դա էլ հեշտ չէ։
«Հակապետական մարդկանց պետք է դուրս նետել համակարգից։ Բայց կան մարդիկ, որոնց հմտությունները ներկա պայմաններին համապատասխան չեն։ Դրա համար պետական ապարատում թափուր հաստիքներ կան։ Եվ դա պետական կառավարման համակարգում ցածր աշխատավարձի պատճառով է»,- ասաց Փաշինյանը։
Մանրամասները՝ տեսանյութում։