Հյուսիսային Կորեայի առաջնորդ Կիմ Չեն Ինը Կորեայի աշխատանքային կուսակցության կենտկոմի լիագումար նիստում նշել է երկրի անվտանգության ոլորտի ռիսկերը, պաշտպանունակության ամրապնդման կոչ արել. այդ մասին հայտնում է երկրի Կենտրոնական լրատվական գործակալությունը:
«Այսօր մեր երկրի շուրջ անվտանգային իրադրությունը շատ լուրջ է, այն խիստ սրվելու ռիսկեր է պարունակում: Դա ստիպում է մեզ շարունակել զբաղվել պաշտպանունակության ամրապնդման նպատակներով»,-ասել է նա:
Կիմ Չեն Ինը հայտնել է նաև, որ ինքնիշխանության պաշտպանության նպատակով կուսակցությունը կղեկավարվի «ուժ՝ ի պատասխան ուժի» սկզբունքով: Առաջնորդը ռազմական բնույթի մի շարք հանձնարարություններ է տվել: