Արմենիա Ավիաընկերությունը կվերանվանվի «AIR DILIJANS»
Արմենիա Ավիաընկերությունը հայտարարություն է տարածել․
Արմենիա Ավիաընկերության հարգելի ուղևորներ,
Տեղեկացնում ենք Ձեզ, որ 2023 թվականի մարտի 2-ից Արմենիա Ավիաընկերությունը կվերանվանվի AIR DILIJANS:
Իր գոյության ընթացքում (ավելի քան 7 տարի) Արմենիա Ավիաընկերությունը ձեռք է բերել բարի համբավ` անվտանգ թռիչքների և օդանավում սպասարկման գերազանց մակարդակի համար:
Հաշվի առնելով, որ Հայաստանի Հանրապետությունում այս պահին գոյություն ունեն համահունչ անվանումներով մի շարք ընկերություններ, Արմենիա Ավիաընկերությունը որոշել է փոխել իր անվանումը` մեր ուղևորներին շփոթմունքից զերծ պահելու համար։
Որոշումը կայացվել է մեր ուղևորների շահերից ելնելով, նրանց ժամանակը խնայելու և ավիաընկերության ծառայություններից օգտվելիս հարմարավետություն ապահովելու նպատակով:
Ուշադրություն դարձրեք, որ Ավիաընկերության մնացած վավերապայմանները մնում են նույնը:
«Արմենիա» Ավիաընկերության անվանափոխությունից առաջ ձեռք բերված ավիատոմսերը մնում են ուժի մեջ և փոփոխություններ չեն պահանջում:
Արմենիա ավիաընկերության ավիատոմսեր ունեցող բոլոր ուղևորներին՝ բարի գալուստ «AIR DILIJANS» օդանավ:
Մաղթում ենք Ձեզ Բարի թռիչք:
