Այսօր մեկնարկում է Եվրամիության (ԵՄ) անդամ երկրների պաշտպանության նախարարների ոչ պաշտոնական հանդիպումը։
Երկօրյա ոչ պաշտոնական հանդիպումը կկայանա ԵՄ խորհուրդը նախագահող Չեխիայի մայրաքաղաք Պրահայում. հայտնում է TASS-ը։
Հանդիպման հիմնական թեման Ուկրաինայի դեմ Ռուսաստանի ագրեսիան է և դրա ազդեցությունը ԵՄ անդամ երկրների անվտանգության վրա։ Հանդիպման առաջին մասում, որին կմասնակցեն ՄԱԿ-ի, ՆԱՏՕ-ի և Եվրախորհրդարանի բարձրաստիճան պաշտոնյաներ, ինչպես նաև ԵՄ պաշտպանության նախարարները, կքննարկվեն ռազմական գործողությունների հետևանքները:
Հանդիպմանը կմասնակցի նաև Ուկրաինայի պաշտպանության նախարարը։