Բուրյաթիայի Արտակարգ իրավիճակների նախարարությունը հայտնում է, որ Բայկալ լճում 4,4 մագնիտուդ ուժգնությամբ երկրաշարժ է տեղի ունեցել:

«Տեղական ժամանակով ժամը 22:07-ին Բայկալ լճի ջրերում 4,4 մագնիտուդով սեյսմիկ իրադարձություն է գրանցվել։ Երկրաշարժի էպիկենտրոնը գտնվել է Կաբանսկի շրջանի Օյմուր բնակավայրից 22 կիլոմետր հյուսիս-արեւմուտք։ Էներգետիկ դասը 12 էր»,- ասվում է հաղորդագրության մեջ։

Գերատեսչությունում պարզաբանել են, որ ստորգետնյա ցնցումները զգացվել են Բուրյաթիայի Կաբանսկի, Բայկալսկի, Իվոլգինսկի, Սելենգինսկի, Տարբագատայսկի, Զայգրաևսկի շրջաններում, ինչպես նաև Ուլան-Ուդեում։ Ավերածությունների կամ զոհերի մասին այս պահին տեղեկություններ չկան։

Ավելի վաղ 4 բալ ուժգնությամբ երկրաշարժ էր տեղի ունեցել Անդրբայկալյան երկրամասի Տունգիրո-Օլեկմինսկի շրջանում։ Երկրաշարժի էպիկենտրոնը գտնվել է Տուփիկ գյուղում։

Միջազգային անցուդարձին ավելի արագ հետևելու համար՝ MediaHub.world