Չինաստանի պաշտպանության նախարարության ղեկավար է նշանակվել 65-ամյա գեներալ Լի Շանգֆուն, ով 2018 թվականից Ռուսաստանի հետ ռազմական համագործակցության պատճառով գտնվում է ԱՄՆ պատժամիջոցների տակ։

Նրա թեկնածությունը հաստատել է ՉԺՀ-ի բարձրագույն օրենսդիր մարմինը՝ Ազգային Ժողովրդական Կոնգրեսը (ԱԺԿ): Քվեարկությունը տեղի է ունեցել մարտի 11-ին Չինաստանի մայրաքաղաքի կենտրոնում գտնվող Ժողովրդական մեծ դահլիճում։

Հինգ տարի առաջ ԱՄՆ ֆինանսների նախարարությունը պատժամիջոցներ է կիրառել Չինաստանի Կենտրոնական ռազմական հանձնաժողովի ուսուցման և մատակարարման վարչության և նրա ղեկավարի նկատմամբ՝ Մոսկվայի հետ ռազմական համագործակցության համար: Բաժանմունքի ղեկավարն այն ժամանակ Լի Շանգֆուն էր։ Դիտորդները կարծում են, որ Չինաստանի պաշտպանության նախարարի պաշտոնում նրա նշանակումը կարող է բավական անհարմար դարձնել ռազմական շփումները Վաշինգտոնի և Պեկինի միջև։