Ռուս խաղաղապահ կոնտինգենտի տեղակայման վայրում Արցախի պետնախարար Գուգեն Ներսիսյանը կոչ արեց Ասկերանից համաժողովրդական շարժմանը միացած արցախահայությանը վրաններ տեղադրել եւ սպասել մինչեւ կկատարվի իրենց պահանջները։
«Ասկերանից եկած մեր եղբայրներն ու քույրերը այստեղ, այս հատվածում տեղադրում են վրաններ եւ սպասում են մեր պահանջի կատարմանը։ Կարծում եմ, այլեւս որեւէ տարբերություն չկա՝ մենք սոցիալական, կենցաղային, սննդի, թե վառելիքի հետ կապված խնդիրներով այստեղ ենք, թե Ստեփանակերում։ Ձեր պահանջները կներկայացնենք ռուս խաղաղապահ զորախմբի հրամանատարությանը, իսկ հանդիպումից հետո կներկայացնենք արդյունքները»,-ասաց Ներսիսյանը։
Հիշեցնենք, որ վաղ առավոտից Ստեփանակերտի Վերածննդի հրապարակում Արցախի իշխանությունների նախաձեռնությամբ կազմակերպվել է համաժողովրդական հանրահավաք, որին ներկա էր նաեւ Արայիկ Հարությունյանը։ Հանրահավաքի մասնակիցները հրապարակից երթով գնացին Կարմիր խաչի գրասենյակ, ապա ռուս խաղաղապահ կոնտինգենտի տեղակայման վայր։
Մանրամասն՝ տեսանյութում