Ձմեռային հատապտուղներ. որո՞նք են խուրմայի օգուտները և ինչո՞ւ դիաբետիկները չպետք է այն ուտեն

Մարդկանց հաճախ է հուզում հարցը՝ կարո՞ղ է խուրման ձեզ գիրացնել։ Քաշ հավաքելը քիչ հավանական է, բայց դիետայի ընթացքում հեշտ է կորցնել ախորժակը: Բանն այն է, որ այս քաղցր և բարձր կալորիականությամբ հատապտուղը (մոտ 60 կկալ 100 գրամի դիմաց) օգնում է արագ ազատվել քաղցից։ Ամեն դեպքում, նիհարելու հարցը նախ պետք է լուծվի բժշկի հետ, նոր միայն նրա հետ միասին ճաշացանկ մշակվի։

Դաղստանում և Կրասնոդարի երկրամասի Սև ծովի ափին, ինչպես նաև Իսրայելում, Իտալիայում, Թուրքիայում և այլ արևադարձային երկրներում աճում են խուրմայի բազմաթիվ տեսակներ։ 

Դրանք պարունակում են տարբեր վիտամիններ և մակրոէլեմենտներ, հետևաբար շատ օգտակար են։ Կալիումը, մագնեզիումը և կարոտինը կարող են նվազեցնել քաղցկեղի առաջացման վտանգը, A, C և P վիտամիններն օգնում են պահպանել արյան անոթների առաձգականությունը, իսկ մեծ քանակությամբ երկաթն օգնում է բարձրացնել հեմոգլոբինի մակարդակը մարմնում:

Խուրման նաև լավ օգնական է մաշկի առաձգականությունը պահպանելու համար՝ շնորհիվ իր բարձր բետա-կարտինի պարունակության, իսկ ձմռան սեզոնին այն յոդի լրացուցիչ աղբյուր է, որն ապահովում է վահանաձև գեղձի գործառույթները։

Այնուամենայնիվ, ամեն ինչ պետք է չափի մեջ լինի, այդ թվում՝ խուրմայի օգտագործումը։ Ըստ Ռոսպոտրեբնադզորի՝ հատապտուղը բավականին շատ բնական շաքարներ է պարունակում, ուստի դրա օգտագործումը խորհուրդ չի տրվում շաքարախտի դեպքում։

Խորհուրդ չի տրվում առաջին ամիսներին կրծքով կերակրելիս խուրման ուտել, դա կարող է երեխայի մոտ փորկապություն առաջացնել: