Մեծ Բրիտանիայի թագավոր Չարլզ 3-րդը և նրա կինը՝ թագուհի Կոնսորթ Կամիլան, պաշտոնապես թագադրվեցին:
Լոնդոնում կայացավ Չարլզ 3-րդ միապետի թագադրության արարողությունը։
Արարողությանը մասնակցում էին աշխարհի շուրջ երեք տասնյակ թագավորական տների ներկայացուցիչներն, այդ թվում` Իսպանիայի և Շվեդիայի թագավորները, Մոնակոյի իշխանը ու Ճապոնիայի կայսերական տան թագաժառանգ Ակիշինոն։ Արարողությանը մասնակցելու համար Լոնդոնում է նաև Միացյալ Նահանգների առաջին տիկին Ջիլ Բայդենը։ Այսպիսով, չխախտելով ավանդույթը, ըստ որի, ԱՄՆ նախագահները երբեք չեն մասնակցում Մեծ Բրիտանիայի միապետերի թագադրության արարողություններին։
Արարողությանը ներկա են եղել նաև Չարլզ 3-րդ-ի որդիները՝ թագաժառանգ Ուիլյամը և արքայազն Հարին։ Վերջինս հոր թագադրությանը մասնակցել է միայնակ։
Թագադրումն անցկացվում է Մեծ Բրիտանիայի մայրաքաղաքում բողոքի ցույցերի ֆոնին։ Լոնդոնում արդեն մի քանի տասնյակ մարդ է ձերբակալվել, այդ թվում` «Republic» և «Just Stop Oil» շարժումների ակտիվիստներ։ «Guardian» թերթի հաղորդմամբ` շուրջ 2000 ցուցարար է հավաքվել Թրաֆալգարյան հրապարակում։
Reuters-ը հայտնում է, որ սա վերջին 7 տասնամյակների ընթացքում Մեծ Բրիտանիայի ամենամեծ հանդիսավոր միջոցառումն է։
Չարլզը 3-րդ հաջորդում է իր մորը՝ Եղիսաբեթ թագուհուն: Հիշեցնենք, որ թագուհին մահացել է 2022 թվականի սեպտեմբերին:
74-ամյա թագաժառանգը Մեծ Բրիտանիայի ամենատարեց միապետն է, ում գլխին դրվեց Սուրբ Էդվարդի՝ 360 տարեկան թագը:
Լուսանկարները՝ այստեղ