Նախօրեին Տեղ համայնքի հատվածում ադրբեջանական սադրանքի հետևանքով վիրավորված ԱԱԾ սահմանապահ զորքերի զինծառայող Արթուր Ազրոյանի առողջական վիճակը գնահատվում է կայուն ծանր: Այս մասին MediaHub-ին հայտնեցին ՀՀ ԱԱԾ մամուլի ծառայությունից։
Նշվում է, որ Ազրոյանը վիրահատվել է զինվորական կենտրոնական հոսպիտալում.
«Վիրահատությունը հարթ է անցել, պլանավորված բժշկական բոլոր միջոցառումներն իրականացվել են»,– ասացին ԱԱԾ–ից։
Հիշեցնենք, որ երեկ Տեղի հատվածում Ադրբեջանի ԶՈւ կրակի հետևանքով վիրավորում էր ստացել ՀՀ ԱԱԾ սահմանապահ ծառայության զինծառայող՝ Արթուր Արմենի Ազրոյանը (2002թ.)։