Ուրախ եմ, որ իմ անձի շուրջ կա նման հետաքրքրություն։ Նշանակում է, որ ես ամեն ինչ ճիշտ եմ անում արցախցիների և մեր երկրի համար։ Այս մասին Facebook-ի իր էջում գրել է Արցախի պետական նախարար Ռուբեն Վարդանյանը:
"Ժամանակն է վերջացնել այս ամենը։ Ժամանակն է բացել ճանապարհը և Արցախի իշխանությունների հետ նստել բանակցությունների սեղանի շուրջ",- գրել է Վարդանյանը։
MediaHub-ը հիշեցնում է, որ այսօր Ռուբեն Վարդանյանին հիշատակել են Ռուսաստանի և Ադրբեջանի ԱԳ նախարարները: Մասնավորապես, Սերգեյ Լավրովը հայտարարել է, որ Ռուբեն Վարդանյանը ոչ մի կապ չունի Ռուսաստանի հետ:
Իսկ Ջեյհուն Բայրամովը հայտարարել է. «Վարդանյանի գործունեությունը հանցավոր-արկածախնդիր բնույթ է կրում, դրան պետք է վերջ դրվի։ Որքան շուտ նա լքի տարածաշրջանը, այնքան լավ կլինի բոլորի համար։ Դրանից տուժում է տեղի բնակչությունը։ Նա խանգարում է վերաինտեգրմանը»: