Մեծ Բրիտանիայի Լեսթերի համալսարանի գիտնականները եզրակացրել են, որ կանոնավոր արագ քայլելը կարող է դանդաղեցնել ծերացման գործընթացը և 20 տարով երկարաձգել կյանքը: Հետազոտությանը մասնակցել է 405981 մարդ:
Հետազոտության ընթացքում գիտնականներն ուսումնասիրել են կամավորների տելոմերների տվյալները: Դրանք օրգանիզմի ծերացման հիմնական բիոմարկերն են։ Քրոմոսոմների ծայրերում գտնվող տելոմերները պաշտպանում են դրանք վնասվելուց։ Երբ բջիջը բաժանվում է, դրանք կրճատվում են՝ ի վերջո հասնելով մի կետի, որտեղ բջիջն այլևս չի կարող բաժանվել: Ահա թե ինչպես է տեղի ունենում բջջի ծերացման գործընթացը։
Արագ քայլելն օգնում է դանդաղեցնել այս գործընթացը: Այս տեսակի ֆիզիկական ակտիվությունը երկարացնում է տելոմերները: Գիտնականները պարզել են, որ այլ գործողությունները նույն դրական ազդեցությունը չեն թողնում դրանց երկարության վրա։ Այնուամենայնիվ, փորձագետները դեռևս չեն հաստատել տելոմերների երկարության և տարբեր հիվանդությունների զարգացման միջև կապը, այդ թվում՝ տարիքի հետ կապված։