Ծխողների բնակարանների տնային գորգերը կարող են կուտակել ծխախոտի ծուխը և ժամանակի ընթացքում ազատել քաղցկեղ առաջացնող նյութեր: Ռուսաստանի Առաջին ալիքի «Ապրեք առողջ» հաղորդաշարի եթերում ասել է բժիշկ Ելենա Մալիշևան։
Սրտաբան Հերման Գանդելմանը խոսել է երրորդական ծխելու մասին: Գիտական հետազոտությունները հաստատել են, որ որոշ կահավորանք որոշ պարագաներ, ներառյալ գորգերը, կարող են կլանել ծխախոտի ծուխն ու ժամանակի ընթացքում արտազատել այն: Երրորդ կարգի ծխելը մեծացնում է քաղցկեղի և այլ վտանգավոր հիվանդությունների զարգացման ռիսկը։
Մասնագետները նաեւ խորհուրդ չեն տալիս գորգեր փռել այն սենյակներում, որտեղ ապրում են ալերգիա ունեցող անձինք։ Ինտերիերի իրերը բնակեցված են սնկերով և փոշու տիզերով՝ բրոնխիալ ասթմայի հիմնական սադրիչները:
Գորգերը կարելի է անվտանգ դարձնել՝ դրանք մշակելով փոշեկուլով և գոլորշու գեներատորով:
«Ջերմաստիճանը պետք է լինի բավականին բարձր՝ 55 աստիճանից ավելի։ Երկրորդն այն է, որ պետք է մաքրել գորգերը՝ օգտագործելով HEPA ֆիլտրով փոշեկուլներ՝ խուսափելու ալերգենների երկրորդային արտազատումից: Պետք է նաև տարին մեկ անգամ գորգը տանել քիմմաքրման»,- բացատրել է ակնաբույժ Միխայիլ Կոնովալովը։