Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Հսկայական մողեսը ներխուժել է տուն և թաքնվել զուգարանում (լուսանկար)

Blog Image

Թաիլանդում հսկայական մողեսը մտել է բնակելի շենք ու թաքնվել զուգարանում։ Այս մասին հայտնել է The Thaiger-ը։

Միջադեպը տեղի է ունեցել հինգշաբթի՝ փետրվարի 15-ի երեկոյան ժամը մոտ հինգ անց կեսին։ Պրասիտտիկոկ անունով 33-ամյա տղամարդը պատմել է, որ վերադարձել է տուն ու թակել դուռը։ Երբ կինը բացել է այն, նրանց սենյակ է ներխուժել մի մեծ մողես և անմիջապես վազել զուգարան, որտեղ էլ թաքնվել է։

Կենդանին իրեն ագրեսիվ է պահել և ֆշշացրել, երբ ինչ-որ մեկը մոտեցել է։ Պրասիտտիկոկը մասնագետներ է կանչել, որոնց հաջողվել է լոգարանում նստած մոնիտորի մողեսին լասո անել, իսկ հետո պոչից դուրս քաշել։ Նրանք խոստովանել են, որ դա բավականին դժվար է եղել, քանի որ մողեսը շատ մեծ և ուժեղ է եղել։ 

Արդյունքում մոնիտորի մողեսը հանվել է կացարանից ու բաց թողնվել վայրի բնություն: Հրատարակությունը գրում է, որ Թաիլանդում մողեսնեի և մարդկանց հանդիպումները բավականին հաճախ են տեղի ունենում։ Այս մողեսները սովորաբար վտանգավոր չեն մարդկանց համար, սակայն կարող են վախեցնել մարդկանց իրենց մեծ չափերով։

Send