Իրաքի իշխանությունները սիրիական կողմին են հանձնել ավելի քան 1900 զինվորականների, որոնք լքել էին երկիրը զինված ընդդիմադիր խմբավորումների հարձակման ժամանակ։ Այս մասին հայտնել է Իրաքի զինված ուժերի համատեղ գործողությունների հրամանատարությունը, գրել է ՏԱՍՍ-ը։
Դեկտեմբերի 19-ի առավոտյան «սիրիական որոշ ուժերի հետ համաձայնեցված՝ 1905 սիրիացի սպաներ և նրանց փոխկապակցված անձինք վերադարձվել են և պաշտոնապես հանձնվել սիրիական ուժերին «Ալ-Քաիմ» սահմանային կետում», ասվում է հայտարարության մեջ։
Իրաքի ռազմական հրամանատարությունը պարզաբանել է, որ չորեքշաբթի օրը Սիրիա է վերադարձել 36 մարդ, ովքեր աշխատել են երկու երկրների սահմանին տեղակայված Բուկամալ անցակետում։
Դամասկոսի նոր իշխանությունների խնդրանքով սիրիացի զինվորականները տուն են ուղարկվել, իսկ վերադառնալուց առաջ նրանք լրացրել են համապատասխան գրավոր համաձայնությունը։ Իրաքյան կողմը կոչ է արել Սիրիայի դե ֆակտո իշխանություններին ապահովել վերադարձող զինվորականների անվտանգությունը, երաշխավորել նրանց համաներումն ու վերադարձն իրենց ընտանիքներ։
https://tass.ru/mezhdunarodnaya-panorama/22722077