Միացյալ Նահանգները դադարեցրել է մասնակցությունը ՄԱԿ-ի՝ կլիմայի փոփոխության հարցերով հիմնական նիստերին, և ԱՄՆ ներկայացուցիչները չեն մասնակցի Կլիմայի փոփոխության հարցերով միջկառավարական խորհրդի (IPCC) նիստին հաջորդ շաբաթ Չինաստանում, հայտնել է «Reuters»-ը՝ վկայակոչելով իրազեկ աղբյուրներին։
Աշխատանքը դադարեցնելու հրամանը ազդել է ԱՄՆ Գլոբալ փոփոխությունների հետազոտական ծրագրի (USGCRP) և ԱՄՆ Օվկիանոսների և մթնոլորտի ազգային վարչության (NOAA) անձնակազմի վրա, որոնք աշխատում են IPCC հիմնական աշխատանքային խմբի հետ:
Գործակալությունը նշել է, որ ամերիկացի գիտնականները կշարունակեն աշխատել IPCC-ի համար կլիմայական հետազոտությունների վրա։