Տարեց տղամարդը կոկոսի հյութ է խմել ու մաhացել

Դանիայի Օրհուս քաղաքից մի թոշակառու մահացել է աղտոտված կոկոսի հյութ խմելուց հետո, գրել է «Daily Mail»-ը։

69-ամյա տղամարդը գնել է կոկոս և այն թողել սեղանին, որտեղ այն մնացել է մեկ ամիս։ Այնուհետև նա ծղոտով ծակել է կոկոսն ու փոքր քանակությամբ  խմել։ Հեղուկը, պարզվել է, ունեցել է տհաճ համ։ Դանիացին պատմել է կնոջը, որ կոկոսը փտած տեսք ունի և ներսում լորձ կա, և պտուղը դեն է նետել։

Երեք ժամ անց թոշակառուի մոտ սկսվել են սրտխառնոցի և փսխման նոպաներ, և նա սկսել է քրտնել։ Տղամարդը գունատվել է և չի կարողացել պահպանել հավասարակշռությունը։ Թոշակառուն հոսպիտալացվել է։ Հիվանդանոցում պարզվել է, որ դանիացին ուղեղի այտուց է ունեցել, և ժամանելուց 26 ժամ անց տղամարդուն հանել են կենսապահովման սարքից։