Փարիզը և Հռոմը արգելափակել են 5 միլիարդ եվրոյի հատկացումը Կիեւին
Ֆրանսիան և Իտալիան արգելափակել են Եվրամիությանը առաջարկը՝ 5 միլիարդ եվրո հատկացնել Ուկրաինայի համար այս տարի զինամթերք գնելու համար, գրել է Bloomberg-ը՝ հղում անելով աղբյուրներին։ Այդ միջոցները պետք է ուղղվեն 2 միլիոն հրետանու գնմանը։
Գործակալության աղբյուրները հայտնել են, որ Փարիզն ու Հռոմը ձգձգում են ֆինանսական որոշումների ընդունումը, մինչդեռ ԵՄ անդամ 27 երկրների մեծամասնությունը պաշտպանում է առաջարկը (բացառությամբ Հունգարիայի)։
Իտալացի դիվանագետներն ասել են, որ երկիրը ցանկանում է ավելի շատ ֆինանսական և տեխնիկական մանրամասներ նախքան ծրագրի շուրջ համաձայնեցնելը:
«Եթե մենք չենք կարող որոշում կայացնել ամբողջ տարվա համար, եկեք որոշում կայացնենք կարճաժամկետ», - քննարկումներից հետո ասել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասը:
Նա նախաձեռնության հեղինակն է եղել և սկզբում առաջարկել Բրյուսելին հատկացնել 20 միլիարդ եվրոյից մինչև 40 միլիարդ եվրո Կիեւի ռազմական կարիքների համար, սակայն այժմ այդ գումարը կրճատվել է մինչև 5 միլիարդ եվրո:
