Գրենլանդիայի սառցադաշտերը մեկ օրում միլիարդավոր տոննա ջուր են կորցրել. հայտնում է CNN-ը։
Ջերմաստիճանը հասել է 16 աստիճան Ցելսիուսի՝ տասը աստիճանով ավելի տաք, քան սովորաբար գրանցվում է այս եղանակին: Հուլիսի 15-ից հուլիսի 17-ը սառույցի հալոցքից օվկիանոս է լցվել վեց միլիարդ տոննա ջուր: Հեղուկի այս ծավալը կարող է լցնել օլիմպիական մեծության 7,2 միլիոն լողավազան։ Կոլորադոյի համալսարանի Ձյան և սառույցի տվյալների ազգային կենտրոնը նշել է, որ այս շաբաթ սառցադաշտերի հալման արագությունը նորմալ չէ:
«Դա միանշանակ անհանգստացնում է ինձ։ Երեկ մենք շապիկներով դուրս եկանք փողոց, ոչ ոք չէր սպասում դա», – բացատրել է գիտնական Կուտալմիս Սայլամը, ով ներկայումս հետազոտություն է անցկացնում Գրենլանդիայում: Եթե կղզու սառցադաշտերն ամբողջությամբ հալվեն, Համաշխարհային օվկիանոսի մակարդակը կբարձրանա 7,5 մետրով։