Թռչնագրիպը նոր համաճարակի հիմնական թեկնածուն է, որը կարող է բավականին ծանր լինել: Դրա մասին է վկայում, մասնավորապես, վիրուսի վտանգավոր էվոլյուցիան, որը նրան մարդուց մարդուն փոխանցվելու հնարավորություն է տալիս։ Այս մասին Lenta.ru-ի հետ զրույցում ասել է իմունոլոգ Նիկոլայ Կրյուչկովը:
«Թռչնագրիպը գրիպի վարակ է, որը սովորաբար մարդուց մարդուն կանոնավոր կերպով չի փոխանցվում: Սա նոր սերոտիպ է բնակչության համար։ Այդուհանդերձ, միջտեսակային պատնեշի քայքայումը պարբերաբար տեղի է ունենում, ուստի ժամանակի հարց է, որ մարդուց մարդ տարածումն ավելի ակտիվանա»,- վստահություն է հայտնել իմունոլոգը։
Նրա խոսքով՝ վերջին տարիներին ավելի ու ավելի հաճախ են տեղի ունենում միջտեսակային պատնեշի բեկումներ։
Որպես կանոն, նման դեպքեր գրանցվում են թռչնաֆաբրիկաներում, բայց ոչ միայն։ Մինչդեռ վարակակիրների թիվը անընդհատ ավելանում է, ինչը վկայում է գրիպի վարակի էվոլյուցիայի մասին։
«Խնդիրն այն է, որ բնակչությունը պատրաստ չէ նոր սերոտիպերին։ Նախկինում գոյություն ունեցող իմունտիետը չկա: Որպես կանոն, նոր սերոտիպերը շատ մահացու են և բարձր ախտածին, համեմատած մեզ արդեն ծանոթների հետ: Իսկ երբ սկսվի վարակի ակտիվ տարածումը, հետեւանքները շատ ավելի լուրջ կլինեն, քան սովորական գրիպը»,- զգուշացրել է մասնագետը։