ՊՆ փոխնախարարը չի բացառել սահմանին նոր էսկալացիայի հնարավորությունը
Այսօր՝ սեպտեմբերի 11-ին, խորհրդարանում լրագրողների հետ զրույցում փոխնախարարը հաստատել է սահմանի մոտ ադրբեջանական զորքերի կենտրոնացվածության առկայությունը, ինչպես նաև մեծ քանակությամբ զինտեխնիկայի, այդ թվում՝ հրետանու տեղաշարժի փաստը։
Սարգսյանը մատնանշել է, որ Հայաստանի և Արցախի պաշտպանության նախարարությունը որոշակի հաճախականությամբ հրապարակում է համապատասխան տեղեկատվություն։
«Ավելորդ լարվածությունից խուսափելու համար նպատակահարմար է հետևել պաշտոնական տեղեկատվությանը, մենք ամեն ինչ հրապարակում ենք»,- ասել է Սարգսյանը։
Փոխնախարարի խոսքով՝ ՊՆ-ն քայլեր է ձեռնարկում, որպեսզի տարածաշրջանում իրավիճակը չապակայունացնի եւ ընդհանուր իրավիճակի վրա բացասական ազդեցություն չունենա․ «Մեր տարածաշրջանն այնպիսին է, որ կա էսկալացիայի մշտական վտանգ, բայց մենք՝ որպես պետություն, պետք է քայլեր ձեռնարկենք, որպեսզի դեպքերը չհանգեցնեն մեծ էսկալացիայի կամ լայնածավալ ռազմական գործողությունների»,- նշել է Սարգսյանը։
