Նորվեգիայի վարչապետ Յոնաս Գահր Շտյորեն կարգելվի սոցիալական ցանցերի օգտագործումը մինչև 15 տարեկան երեխաների համար:

Նրա խոսքով, տարիքային սահմանը կոչված է պաշտպանելու ալգորիթմներից, որոնք «դրված են երեխաների համար», քանի որ սոցիալական ցանցերը բացասաբար են անդրադառնում անչափահասների գիտակցության և հոգեկան վիճակի վրա։

«Դա բավականին ուժեղ ուղերձ է: Երեխաները պետք է պաշտպանված լինեն վնասակար բովանդակությունից: Դա մեծ տեխնոլոգիական հսկաներն են ընդդեմ փոքրիկ երեխաների ուղեղի: Մենք գիտենք, որ դա դժվարին պայքար է, քանի որ կան հզոր ուժեր (արդյունաբերության մեջ), բայց դա նաև պահանջում է քաղաքական լուծումներ»,- նշել է նա։

Նոր կարգավորումները ներառում են փոփոխություններ Անձնական տվյալների մասին օրենքում, որը թույլ կտա հարթակներին ներդնել տարիքի ստուգման մեխանիզմներ և մշակել օգտատերերի անձնական տվյալները:

Այժմ Նորվեգիայում նման սահմանափակումների ավելի մեղմ տարբերակ կա՝ արգելում է սոցցանցերի օգտագործումը մինչև 13 տարեկան երեխաների կողմից, բայց գործնականում չի գործում։ 10 տարեկանների 58%-ը և 11 տարեկանների 78%-ը դեռ շարունակում են օգտվել սոցիալական ցանցերից։